Shillong, Nailur 16 : Ka Adventurous Hynñiewtrep off Roader (AHOR) kaba dei kawei ka club kaba ju pynlong ïa ka jingïakop niah kali, shen kan sa pynlong biang mynta ka kynti kaban sdang ha ka 7 tarik haduh 8 tarik Risaw 2022 ha Kharsati Park.
Haba pynbna ïa kane ha ka sngi Thohdieng ha Shillong Press Club u Bah Damian Umdor uba dei u President u la ïathuh ba ka kynhun mynta ka kynti ka la shim biang ïa kane ka sienjam ban pynlong ïa ka jingpynïakop ñiah kali hadien ar snem ba la shah pynhut ha ka khlam jingpang COVIID-19.
U la ïathuh ruh ba kane kan dei ka sien kaba saw ban pynlong ïa katei ka jingïalehkai bad ka khusnam jong katei ka lympung kan dei 2 lak tyngka.
