Shillong, Nailur 18 : Ki don haduh 69 tylli ki aplikashon kiba la wan na ki riew shimet ne ki kompani kiba pan jingbit na ka State Pollution Control Board (SPCB) naduh u snem 2018-19 haduh mynta na ka bynta ban seng ïa ki karkhana Coke ha ka jylla.
Na kitei ki 69 tylli 47 ki dei kiba na East Jaintia Hills, 14 tylli na West Khasi Hills, 6 tylli South West Khasi Hills bad 3 ha West Jaintia Hills District.
ïa kane la ïathuh da u myntri ba dei peit ia ka tnad Forest and Environment u James P. K Sangma haba jubab ïa ka jingkylli ( unstarred question) ba la wanrah hapoh ka ïing dorbar thawaiñ ka jylla.
Ki la don haduh 15 tylli ki karkhana Coke ba la ai da ka CTO ( consent to operate) haduh mynta.
Kine ki kynthup mynta 10 ha East Jaintia Hills, 4 ha West Khasi Hills bad 1 ha West Jaintia HIlls.
Nalor kine ka dang don shuh shuh kiba dang ïoh ïa ka CTO bad kine ki long 16 tylli, 12 ha East Jaintia HIlls, 4 ha West Khasi Hills bad 1 West Jaintia Hills.
