Shillong, Naitung 21: Ka tnad ka koit ka khiah mynta ka sngi kala pyntip ba la don 61 ngut ki briew kiba iabit thymmai ia ka khlam COVID-19 .Na East Garo Hills 2, East Jaintia Hills 1, East Khasi Hills 12, Ri Bhoi 5, South Garo Hills 3, West Garo Hills 36, West Khasi Hills 2 ngut, kiba dang shitom baroh ki long 397 ngut.
Kiba la ïoh ïa ka jingkoit na kane ka jingpang mynta ka sngi ki long 20 ngut, kiba don ha ki hospital ban shah sumar ki long ha East Khasi Hills 37, ha Ri Bhoi 5, West Garo Hills 4, West Jaintia Hills 2 ngut.
Ka tnad ka koit ka khiah kala pyntip ba mynta ka sngi ki don 2 ngut kiba la khlad noh na kane ka khlam bad kine baroh ar ngut ki dei na West Khasi Hills District, kiba khlad baroh haduh mynta na kane ka jingpang ha ka jylla kila kiew sha ka 1597 ngut.
