6,000 tam kiba don ïa u ‘ñangkulia ha ka jylla bun tam ha East Jaintia Hills

Shillong, Nailar 11: Ka Project Director jong ka Meghalaya Aids Control Society(MACS) ka Dr B Dcruce ha ka sngi Palei ka la ïathuh ba ha ka jylla ki don palat ïa ka 6,000 ngut ki ba don ïa u ‘ñangkulia bad dei ka East Jaintia Hills kaba bun tam kiba don ïa une u khñiang.
Ka jingjingphriang jong u khñiang jingpang ‘ñangkulia ka dei na ka daw ka jingïathiah lok khlem jingïada bad ka jingpyndonkam lang da u juh u thyrnia ban injek drok hapdeng kito kiba la don une u khñiang jingpang bad kito kiba ym pat shah ktah ïathuh ka Dr B Dcruce haba kren bad ki nongthoh khubor ha U Soso Tham Auditorium, Shillong ha ka jaka ba la pynlong ïa ka Red Ribbon Youth Festival.
“Ka jingïathiah lok ba khlem ïada da u condom bad ka jingpyndonkam da ujuh u thyrnia injek hapdeng ki nongdih drok ka dei ka lynti ba jur ka jingphriang une u khñiang jingpang” ong ka Dr B Dcruce.
“6,000 tam kiba don ïa une u khñiang jingpang ha ka jylla bad dei ka East Jaintia Hills distrtict kaba bun tam pat napdeng ki district bad ka East Khasi Hills pat ka wan ba ar” ka la ong.
Ka Dr B Decruce ka la ïathuh napdeng kiba wan shakhmat ban phah test ïa ka jingdon u khñiang jingpang ‘ñangkulia kiba bun hi ki dei ki kynthei katba ki shynrang ki duna shaba palat.
“ Dei ba ngi kwah ban pynphriang ïa ka khubor jong ki lad jingïada na une u khñiang bad ban wan shakhmat ban shah test ba ka MACS ba ka pynlong ïa kane ka Red Ribbon Youth Festival” ong ka Dr B Dcruce.
Shuh shuh ka la ong ba ka thong hi jong ka Festival ka ka long ban pynshai ba ym dei ban peit beiñ ïa kito kibna don une u khñiang hynrei ban ai mynsiem ïa ki khnang ba kin ym don jingsngew khoñïoh ïa kiwei pat ban wan sha khmat ban phah test ïa lade ka la bynrap.