Shillong: Ka Rotary Club of Cherry Blossom, Shillong ha ryngkat ka jingïatreilang bad ka Mylliem Marbaniang Dorbar Shnong bad ka Mylliem Marbaniang Lower Primary School ki la pynlong ïa ka jingthung dieng ha ka sngi Balang kum shi bynta ka jingrakhe ïa ka Pre- Independence Day.
Ki dkhot, ki nonghikai bad ki khynnah pule jong ka skul ki la thung 60 tylli ki tynrai ding bad ki la shim ruh ka jingsmai ban sumar bad ban ai um manla ka sngi ïa kine ki tynrai dieng.
Ka Club bad ka Dorbar Shnong ki la pynsngewthuh paidbah ruh sha ki khynnah skul halor ka jingpynlang ïa ki jaboh jabaiñ bad ban ym bret kulmar kat shaba lap ba shem khnang ban wanrah ïa ka jingkhuid jingsuba.
La pynkut ïa kane ka sngi thung tynrai dieng da kaba sam ïa ki jingbam sha ki khynnah skul.
