Shillong, Naiwieng 03 : Ka Meghalaya Power Distribution Corporation Limited (MePDCL) ka la pyntip ba yn ym don bording na ka bynta 6sngi, kata naduh ka 4 tarik, Naiwieng haduh ka 9 tarik Naiwieng naduh ka por 9:00 baje mynstep haduh ka por 3:00 baje noh phai sngi ha ki jaka shah ktah na ka jingshna thymmai ïa ka KV line ha Mawlyndep.
Ha ka jingpyntip, ka MePDCL ka la ong ruh ba kito ki jaka ba shah ktah ha ka jinghna ïa ka 33KV MES Feeder ki kynthup ïa ka, MES Assam Regimental Centre, Assam Rifle Office Complex, Assam Rifle Residential, MES Hospital, PGCIL, NERPC, NERLDC, Anthropological Survey of India, baroh kawei ka Happy Valley, Mawshbuit, Madanrting, Wahrynthi, Laitkor Wahkdait bad ki jaka ba marjan.
Ki jaka pat ban shah ktah na ka jingpyntrei ïa ka 33KV Lad Smit Feeder ki kynthup ïa ka DGAR, Umphynai, Sohryngkham, Mawryngkneng, Mawlyndep, Puriang, Smit, Nongkrem, Thangsning, Jongsha, Mawkynrew, Kharang bad ki jaka ba marjan.
Ka MePDCL ka la kular ruh ban trei ban pyndep noh kham kloi katba lah ïa ka kam ha ka por kaba biang bad ka la kyntu ïa ki paidbah ba kin long kiba ïai shah katba ka jingtrei ka dang ïaid shakhmat.
