Shillong, K’lyngkot, 30: San ngut ki kyrtong kiba ïakhun ïa ka elekshon MDC sha ka Iingdorbar Thawain jong ka Khasi Hills Autonomous District Council (KHADC) na ki Constituency kiba hap hapoh ka East Khasi Hills District ki la thep kyrteng ha ka sngi Palei.
Kine ki san ngut ki kyrtong ki kynthup ïa u Bah Tourist Syiem u kyrtong ka Hill State Peoples Democratic Party (HSPDP) na Mawkynrew Constituency, u Bah Gilbert Laloo uba long u kyrtong jong ka United Democratic Party (UDP) na Mylliem Constituency, u Bah James Ban Basaïawmoit u kyrtong ka United Democratic Party (UDP) na Mawkhar Pynthorumkhrah Constituency, u Bah Seibor Lyngdoh Nonglait uba la ïakhun kum u kyrtong Independent na Mawlai Constituency bad u Bah Allan Victor Lyngdoh u kyrtong ka seng Congress na Nongthymmai Constituency.
Uwei pat u kyrtong ka VPP uba la thep kyrteng ha kane kajuh ka sngi u dei u Bah Banpyrkhat Nongrang ban ïakhun na ka Nongspung-Sohïong Constituency.
