Shillong, Kyllalyngkot 29 : Ka Sorkar kala mang ïa ka song pisa ba 40 klur tyngka ban shna pynbha bad siang rong thymmai ïa ki surok ba kongsan ha Shillong kum ka jingpynkhreh ka Jylla ïa ka jingwan ka National Games ba 39.
Haba ïakren bad ki nongthoh khubor u Symbud Myntri Rangbah u ma Sniawbhalang Dhar ula ong “Kane ka dei shibynta na ka jingpynkhreh ka Jylla ïa ka National Games”.
Ka project ka kynthup ïa ka jingsiang rong thymmai ïa kumba 40-46 kilometer ki surok ba la sniew ha kylleng ka sor.
U pyntip ba ka jingsiang rong ïa ki surok ha ka thaiô Laitumkhrah kila jan dep artad bad kum kane ka kam la khmih lynti ban sa leh ruh ha kiwei ki bynta jong ka Jylla ha ki bnai ba kut jong u 2026.
“Ngin sa ai rong ïa baroh ki kyndon bad ki jingker (kum ka jingpynkhreh ïa ka National Games)” ong u ma Sniawbha haba bynrap ba kine ki jingpyrshang ban pynitynnad ki dei shi bynta na ki jingthmu ka Sorkar ban pynbha ïa ki jingtei kiba don hapoh sor.
