Shillong, ïaïong 01: Ka Apphira Archery Committee (AAC) kan pynlong ïa ka ïakob siat khnam kaba la tip ïa ka kum ka Rongbiria Ki Hima Ka Ri Hynñiewtrep kaba 33, kaban long ha kane ka sngi Saitjaiñ jong ka taïew, katta ka 04 tarik u Ïaiong 2026, ha madan ïasiat ha Smit, Hima Khyrim.
Khyndiat shaphang kane ka Rongbiria, ka 04 tarik u Ïaiong ka dei ka sngi kynmaw jong ka jaidbynriew, kaba rakhe Ïa ka jinglong ba shynrang mynsiem u Pa’iem Tirot Sing Syiem, Syiem ka Hima Nongkhlaw, ban ïeng pyrshah ïa ka bor synshar ki nongwei.
Ïa kane ka rongbiria yn sdang ban pynlong ïa ka naduh ka por 10:30 baje mynstep.
