Shillong: Ka Assam Don Bosco University, kaba long kawei na ki skulbah ba pynïaid da ki riew shimet ha Assam ba la ïoh ïa ka Grade ‘A’ Accreditation da ka National Assessment and Accreditation Council of India (NAAC) ka la pynbna mang pisa na ka bynta ka bai bam ne scholarship haduh 4.95 klur tyngka –na ka bynta ki khynnah kiban dang wan pule na ka bynta u snem 2022-23.
U Vice-Chancellor, U Fr Stephen Mavely u ong “Ngi don da ki spah ngut ki samla pule kiba ïoh ïa ka scholarship lyngba ki scholarship scheme bapher bapher bad mynta u snem, ka jingthmu jong ngi ka long ban nang ïaid shuh shuh shaphrang ha ka liang ban tyrwa ïa ka scholarship na ka bynta ki samla pule kiba dang shu wan. Ngi leh ïa kane ban ai mynsiem ïa ki samla pule kiba la leh bha bad pass bha ha ki eksamin jong ka Don Bosco University bad kumjuh ruh ban pyntikna ba ki samla pule kin lah ban ïoh ban pule ïa ki jingpule ba kham shalor khamtam ïa kito kiba wan na ki longing ba duna ka ïoh ka kot bad kumjuh ïa kito ki samla pule kiba don jingduna ha ki dkhot met.”
Kane ka skulbah ka tyrwa ïa kine ki scholarship harum na ka bynta ki samla ba pule hangne: Ka Scholarship na ka bynta kiba pass bha, ka scholarship na ka bynta kito kiba wan na ki longing bad una ka ïoh ka kot, ka scholarship na ka bynta kito kiba don jingduna ha ki dkhot met, ka Scholarships na ka bynta kito kiba leh bha ha ki kam ïalehkai na ka thain shatei lam mih ngi ka ri India, ka Scholarship na ka bynta ki nonghikai. Nalor kane, kane ka skulbah ka tyrwa ruh ïa ka Scholarships sha kito ki samla kiba kwah ban pule shuh shuh ha ki kyrdan ba kham shalor ha ka distance mode.
Ka University’s Center na ka bynta ka Online bad Distance Education ka ai ïa ka jingtyrwa kaba long 100% ka jingpynlait ei ïa ka bai klass na ka bynta baroh ki samla pule ka thain shatei lam mih ngi na a bynta ki Online Graduate Degree Program ha DBU Global.
