Jowai, Ïaïong 29: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association kaba la long mynta ka sngi 29 tarik u Ïaïong ha madan Kiang Nangbha Stadium Jowai, hapdeng ka Lumkhang-dong Kyndongtuber pyrshah ïa ka Saiñdur Mihmyntdu kala poi ha ka jingïakhait da mar 3-3 kol. Na ka liang ka Lumkhangdong Kyndongtuber ïa ki lai kol la thep da u Rikermi Phawa ha ka minit ba 30, u Hailan Shylla ha ka minit ba 69 bad u Request Shylla ha ka minit ba 70. Katba na ka Saiñdur Mih myntdu kiba ïoh thep kol ki long u Chanmiki Chyrmang ha ka minit ba 22 bad u Dapmain Phawa ha ka minit ba 45 & 56.
Ka jingïakhun ba ar kala long hapdeng ka ka Iong-I dahi FC pyrshah ïa ka Myrjai ka Iong-I Dahi FC kala jop da 2-1 kol ïa ka Myrjai. Katba ha ka jingïakhun kaba lai ka kynhun ïalehkai jong ka Maitsha phrang Mootyrshiah ka la jop da 9-1 kol ïa ka Khliehmyntdu Neinchnong.
Ka jingïakhun lashai ka sngi 30 tarik kan long hapdeng ka Pasyih Cultural & Sports Club pyrshah ïa ka Khliehshnong Ialong ha ka por 11 baje mynstep, ka Mookyrdup pyrshah ïa ka Tympang .
