Jowai, Nailar 14: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long hynne ka Lah Sngi U Blei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong na ka liang ka kynhun ïalehkai jong ka Mukhla Umlangchor kala pynliem da 2-1 kol ïa ka Rising Sun Mukhla, ïa kitei ki kol na ka Mukhla Umlangchor la thep da u Niawkor Sari haka minit ba 49 & 51, ïa ka shikol jong ka Rising sun Mukhla la thep da u D. Nongrum ha ka minit ba 65.
Ha ka jingïakhun kaba ar ka Newhill kala pynliem da 2-1 kol ïa ka Mookaswan Dongwah, ïa ki kol na ka Newhill la thep da u Thaura Nampui (40+1 min) bad u Dawanlang Laloo (41 min), ïa ka kol na ka Mookaswan la thep da u Slim Marboh ha ka minit ba 69.
Ka jingïakhun kaba lai ka Madan Thadmuthlong kala pynliem da 4-2 kol ïa ka Lumbhahdakha lyngba ka jingïashut (tie breaker).
Katba ha ka jingïakhun kaba saw ka Mookyrdup kala lah ban pynliem da 5-2 kol ïa ka Luti Tuber Ialong, ïa ki kol na la Mookyrdup la thep da u Nicky boy Swer haka minit ba 9 & 28, u Famous Plain haka minit ba 20, u Dennis Passah haka minit ba 45 bad u Nidaiar Kamar ha ka minit ba 64. Ïa ki kol na ka Luti Tuber Ialong la thep da u Leader Mulieh haka minit ba 38 bad u Francis Pale haka minit ba 78.
