Jowai, Nailar 14: Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long ha ka sngi Balang (14 tarik u Nailar) ha madan Kiang Nangbah Stadium Dongmihsngi, Jowai.
Haba phai sha ka jingïakhun kaba nyngkong hapdeng ka Mookyrdup pyrshah ïa ka Moodymmai ka jingïalehkai ka la poi sha ka jingïakhaid da mar shikol, na bynta ka Mookyrdup la thep da u Dennis Passah haka minit shuwa ban kut (70+2min). Katba na ka liang ka Moodymmai la thep da u Enrique Pariat (23 minit).
Haka jingïakhun kaba ar ka Kseh Sylle Ialong kala pynliem da 2-0 kol ïa ka Pynthorlangteiñ, ïa ki kol na ka Kseh Sylle Ialong la thep da u Wanbait Suchiang haka minit ba 34 bad u Aibormi Phawa haka minit ba 54.
Ha ka jingïakhun kaba lai ka Lumsliarsliar kala pynliem da 3-0 kol ïa ka Lumïongkjam, ïa ki kol na ka Lumsliarsliar la thep da u Mainderful Ryngkhlem haka minit ba 30 & 33 bad u Bait Dkhar haka minit ba 42.
Katba ha ka jingïakhun kaba saw ka SC SC Nonglatem kala pynliem da 3-0 kol ïa ka Umchangiar, ïa kitei ki kol na ka SC SC Nonglatem la thep da u Pyndaplangki Mulieh haka minit ba 39 bad u Healthies Lamare haka minit ba 42 & 70+3.
