Jowai, Naitung 07: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 7 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong kaba la long hapdeng ka Umlong SCSC pyrshah ïa ka Wahsarang SC kila poi sha ka jinhïakhaid da mar shikol (1-1). Ïa ka shikol na ka Umlong SC la thep da u Esakiel Dkhar ha ka minit ba 46, ïa ka kol na ka Wahsarang SC la kum thep bakla da u Heijuh Miki Bareh (OG) haka minit ba 80+3.
Ha ka jingïakhun kaba ar ka Tuber Shohshrieh SSC kala jop da 2-0 kol ïa ka Mookympat SSCC, ïa kitei ki kol na ka Tuber Shohshrieh SSC la thep da u Franklin Muruh haka minit ba 5 bad u Ribait Bang ha ka minit ba 80+1.
Katba ha ka jingïakhun kaba lai ka Moolang SC kala jop da 3-2 kol ïa ka Evergreen SC Ladwapung, ïa ki kol na ka Moolang SC la thep da u Chesterfield Rymbai haka minit ba 16, u Sohlang Dkhar ha ka minit ba 44 bad u Riping Dkhar ha ka minit ba 64. Ïa ki kol na ka Evergreen SC Ladwapung la thep da u Shatisfymi Lamo haka minit ba 13 bad u Tesmi Dkhar ha ka minit ba 80+4.
La pyntip ba ka jingïakhun kan bteng biang lashai ka sngi 8 tarik ha ki lai tylli ki jingïakhun.
