Jowai, Naitung 09: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 9 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Umrasiang United SC kala jop da 2-1 kol ïa ka Youth SC Pyrtakuna, ïa ki kol na ka Umrasiang United SC la thep da u Unsa aibiang Dkhar haka minit ba 7 bad u Jen Muksor haka minit ba 71. Ïa ka shikol na ka Youth SC Pyrtakuna la thep da u Dari mi o Syrti haka minit ba 5.
Ha ka jingïakhun kaba ar ka Rymbai Pohskur SC kala jop da 3-0 kol ïa ka Umtyra SC, ïa kitei ki kol na ka Rymbai Pohskur SC la thep da u Lamphrang Dkhar haka minit ba 18, u Emon Nongtdu haka minit ba 43 bad u Encourage Dkhar haka minit ba 67.
Katba ha ka jingïakhun kaba lai ka Moonongtdu SC kala jop da 1-0 kol ïa ka Iongkaluh SCSC, ïa katei ka shikol la thep da Edame Rasmut haka minit ba 80+2.
La pyntip ba ka jingïakhun kan bteng biang lashai ka sngi 10 tarik ha ki lai tylli ki jingïakhun.
