Jowai, Naitung 08: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 8 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Suchen Lumiarain SC kala jop da 4-2 kol ïaka Shymplong SCSC, ïa ki kol naka Suchen Lumiarain SC la thep da u Wanmi Lamurong haka minit ba 2, u Dame Massar haka minit ba 3, u Dr. Sanky Shangpung haka minit ba 44 bad u Join Khaïi haka minit ba 48. Ïa ki kol na ka Shymplong SCSC la thep da u Fedrik Suchen haka minit ba 39 bad u Eleazer ronie Shylla haka minit ba 71
Ha ka jingïakhun kaba ar kaba la long hapdeng ka Pamrapaithlu SCSC bad ka Teilang SCSC Lummyrlli kila poi sha ka jingïakhaid da mar 2-2 kol.
Katba haka jingïakhun kaba lai ka Mynkre SC kala jop da 3-2 kol ïaka Mookhep SCSC, ïa ki kol na ka Mynkre SC la thep da u Dametre Nongtdu haka minit ba 3 & 27 bad u Kynmo Dkhar haka minit ba 71, ïa ki kol na ka Mookhep SCSC la thep da u Naa Lyngdoh haka minit ba 15 bad 23.
La pyntip ba ka jingïakhun kan bteng biang lashai ka sngi 9 tarik ha ki lai tylli ki jingïakhun.
