Jowai, Naitung 14: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 14 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Lama Youth SC kala jop da 1-0 kol ïa ka Borghat SCSC, ïa katei ka kol la thep da u Poimi Suiam haka minit kaba 65.
Related Posts
Katba ha ka jingïakhun kaba ar kaba la long hapdeng ka Nongthymme SC pyrshah ïa ka Cham cham SC kila poi sha ka jingïakhiad da mar shikol (1-1). Ïa ka kol na ka Nongthymme SC la thep da u Mewanjop Muksor haka minit ba 54. Na ka liang ka Cham Cham SC la thep da u Raymon Phawa ha ka minit ba 42.
La pyntip ba ka jingïakhun kan bteng biang haka 18 tarik mynta u bnai ha ki ar tylli ki jingïakhun.