Nongpoh, Nailur 12: Ki pulit jong ka Jorabat Police Outpost hynne ka step phyrngap kila ioh ban kem ïa kawei ka trok (AS 01 KC 6517) kaba kit kyiad beaiñ kaba thmu ban leit pynpoi sha Arunachal Pradesh.
Ïa katei ka trok la ioh ban kem naka thaiñ 13 mer ha kaba ki pulit kila kurup kumba 396 synduk ka kyiad da kaba buhrieh shapoh ka trok bad thep pat da ki mar na shabar.
Ha katei ka jingbat ki pulit ïa katei ka trok, u draibar u la phet noh na katei ka jaka da kaba shim kabu haka jingdum namar ka dei dang step phyrngap.
Naka liang ki pulit kila kem noh ïa u Ripon Barua uwei naki nongkhaii u ba donkti ha katei ka kam khaii beaiñ ïa katei ka kyiad bad ki pulit kila bat ruh ïa kawei ka scooty kaba don ïa u number AS 01 FF 2074 bad ka jingtohkit halor katei ka kam ka dang ïaid shakhmat.
