Shillong, Naitung 16 : Ka jingdon ki briew kiba ïabit thymmai ïa u khñiang jingpang COVID – 19 ka la nang kiew biang ha kane ka jylla namar tang ha kane ka sngi Saitjain ki la don haduh 35 ngut kiba ïabit biang kab pynlong ïa ka jylla mynta ban don haduh 182 ngut.
Kitei kiba ïabit thymmai ki kynthup ïa ki 22 ngut na West Garo Hills, iwei na West Khasi Hills, 2 ngut na South West Garo Hills, 3 ngut na Ri Bhoi bad 7ngut na East Khasi Hills.
Ha kane kajuh ka sngi ki la don pat 11 ngut kiba la koit kiba kynthup mar saw ngut na East Khasi Hills bad Ri Bhoi, iwei na South West Garo Hills bad arngut na West Garo Hills.
Kumba long haduh mynta hi, ka West Garo Hills kadei kaba bun tam ki ba dang don ïa utei u khñiang jingpang da ki 85ngut, bud sa ka East Khasi Hills da ki 63 ngut bad18 ngut pat na Ri Bhoi
