Shillong, K’ Lyngkot 16: Ka Sorkar Jylla ha ka sngi Thohdieng ka la jer kyrteng ïa ki laingut ki nongshong shnong ka Jylla ki ban ïoh ïa ka khusnam jong ka Meghalaya Day Award 2026.
Kine ki ban ïoh khusnam ki kynthup ïa u Dr KS Nongkynrih, Fr Binoy Joseph bad u Bah Riyolang Dhar.
U Myntri Rangbah u la ong, “U Dr KS Nongkynrih la mynjur ban ïohpdiang ïa ka U Tirot Sing Award na ka bynta ka Arts & Literature, u Fr Binoy ïa ka Patogan N Sangma Award halor ki kam shakri imlang sahlang bad u Bah Riyolang Dhar ïa ka Kiang Nangbah Award halor ki kam ïalehkai.”
Kine ki laingut kin ïoh ïa ka jingithuh ïa ki jingjop jong ki ha ka kam ba ki trei ha ka sngi rakhe ka Jylla ïa ka Meghalaya Day.
U Myntri Rangbah ula pyntip ruh ba ka Kynhun Myntri ka la dep mynjur ïa ka jingkren ha ka sngi rakhe ïa ka Republic Day, ka ban sa pule da u Lat ka Jylla ha Shillong bad ki Myntri Sorkar bad kiwei ki kynrem ki lyndan ha kylleng ki bynta ka Jylla.
