Jowai, Nailur 02 : Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 2 tarik u Nailur ha madan Wahiajer Multi-Sports Complex.
Ha ka jingïakhun ba nyngkong jong ka 2nd Division ka Tympang SC kala jop da 2-1 kol ïa ka Myngkrem, ïa ki kol na ka Tympang SC la thep da u Rimiki Phawa haka minit ba 8 bad u Damehi Lakiang haka minit ba 39. Ïa ka shikol na ka Myngkrem la thep da u Dalamsarki Lapasam haka minit ba 19.
Haka jingïakhun kaba ar ka Maya SC kala jop da 5-0 kol ïa ka Pdieñlum, ïa kitei ki kol na ka Maya SC la thep da u Preshan Supuh haka minit ba 24 & 44, u Pormi Pale ha ka minit ba 47, u Shaimi Phawa haka minit ba 50 bad u Iaidmi Pale haka minit ba 67.
Haba phai pat sha ka jingïakhun jong ka Kesilroy Pala Memorial Super Division ka Mukhla Raij kala jop da 3-0 kol ïa ka Nongkhroh Krem Kum, ïa ki kol naka Mukhla Raij la thep da u Chandame Suna haka minit ba 28, u Player Suna haka minit ba 80 bad u Banlam Mawlong haka minit ba 87.
La pyntip ba ka jingïakhun kan bteng haka 03/09/2025 haka kyrdan ‘Joybell Suiam Memorial 2nd Division Football League haka por 10 baje ka United FC Ummulong pyrshah ïa ka Mupliang RC Club. Ha ka por 12 baje mynsngi ka Madur pyrshah ïa ka Ryntih Mynsngat.
Katba ha ka kyrdan jong ka Kesilroy Pala Memorial Super Division haka por 3 baje nohphai sngi ka Wahiajer pyrshah ïa ka Pohskur Phyllong Iingkhaw.
