Jowai, Nailar 05: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 5 tarik ha madan Artificial Ground Diengshynrum, Khliehriat.
Haba phai sha ka jingïakhun Quarter Final mynta ka sngi ka Khliehriat East YWSC kala jop da 2-0 kol ïa ka Umlyngsha Youth SC, ïa kitei ki kol na ka Khliehriat East YWSC la thep da u Hamboi Da o Bareh haka minit ba 12 bad u Mihsalan Langstang haka minit ba 38.
Katba haka jingïakhun kaba ar ka Lumshnong YWSC kala jop da 2-0 kol ïa ka Khliehriat West FC, ïa kitei ki kol na ka Lumshnong YWSC la thew marwei da u Joy Peace Pohtmi haka minit ba 1 & 18.
Da kane ka jingjop jong ka Khliehriat East YWSC bad ka Lumshnong YWSC kila ïoh syndon ban rung sha ka kyrdan 1st Division.
