Jowai, Naitung 17: Ka lympung ïalehkai phutbol haka kyrdan 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 17 tarik ha madan Artificial Ground Diengshynrum, Khliehriat.
Haba ka jingïakhun kaba nyngkong hapdeng ka Diengshalalu SC pyrshah ïaka Khliehmyntriang SCSC kila poi sha ka jingïakhaid da mar shikol (1-1). Ïa ka kol na ka Diengshalalu SC la thep da u Khmihbha Rymbai haka minit ba 17, naka liang ka Khliehmyntriang SCSC la thep da u Arun Dkhar haka minit ba 13.
Haka jingïakhun kaba ar ka Wapung Shnong SSC kala jop da 1-0 kol ïaka Wapung Skur SSWO, ïa katei ka shikol la thep da u Wanphaibiang Dkhar haka minit ba 20.
Katba ha ka jingïakhun kaba lai hapdeng ka Khliehriat West FC pyrshah ïa ka Tuberkmaishnong SSC kila ïakhaid da mar shikol (1-1). Ïa ka kol na ka Khliehriat West FC la thep da u Chanbor Malang haka minit ba 52 bad na ka liang ka Tuberkmaishnong SSC la thep da u Coming Dkhar haka minit ba 74.
La pyntip ba ka jingïakhun kan bteng ha ka 21 tarik u Naitung ha ki lai tylli ki jingïakhun.
