Shillong, Naitung 25 : Ka tnad ïalehkai Sports and Youth Affaris jong ka sorkar jylla kan sa pynkup burom ïa ki nongïalehkai kiba la khur takma ha ka samoi 2017-18 jong ki jait jingïalehkai bapher bapher (regional/zonal/national bad international).
Ïa katei ka jingpynkup burom yn pynlong ha ka 27 tarik Naitung 2022 ha ka por 12:30 baje nohphai sngi ha U Soso Tham Auditorium, Shillong, ha kaba u Myntri Rangbah ka Jylla u Conrad K Sangma un long kum u kongsan ban donlang ruh u Myntri ki kam ïalehkai jong ka sorkar jylla u Bah Banteidor Lyngdoh kum u symbud kongsan.
