Shillong, Naiwieng, 12: Ka Sorkar Pdeng ha ka sngi Baar ka la pyllait ïa ka bynta kaba nyngkong jong ka Untied Grant lyngba ka Fifteenth Finance Commission na ka bynta u snem mang tyngka 2021–22 kaba kot T.27.00 klur ba la mang kyrpang na ka bynta ki bor pynïaid shnong ha ki jaka nongkyndong ha ka jylla Meghalaya.
Kane ka mang pisa ka dei na ka bynta ki lai tylli ki Autonomous District Council hapoh ka Jylla.
Ka Sorkar Pdeng ka la pyllait ruh ïa ka Untied Grant lyngba ka Fifteenth Finance Commissionna ka bynta u snem mang tyngka 2021–22 sha ki bor pynïaid shnong ha ki jaka nongkyndong ha ka jylla Kerala ha ka wat kaba ar kaba kot T. 266.80 klur. Kane ka mang pisa ka long na ka bynta 14 tylli ki District Panchayat, baroh 152 tylli ki Block Panchayat bad 941 tylli ki Gram Panchayat.
Ka Sorkar India lyngba ka Ministry of Panchayati Raj bad ka Ministry of Jal Shakti ka la ai jingmut ban pyllait ïa ka Grant XV–FC sha ki jylla na ka bynta ki bor pynïaid shnong ha ki jaka nongkyndong bad ïa kine la phah sha ka Ministry of Finance. Ïa ka Grant la pyllait ha ki ar bynta ha uwei u snem mang tyngka.
Ki Untied Grant kiba la ai sha ka bor pynïaid shnong ha ki jaka nongkyndong ki dei kiba la ai na ka bynta ki jingdonkam ba kyrpang katkum ki jaka hapohaArphew khyndai tylli ki phang ba la batai hapoh ka Eleventh Schedule jong ka Riti Synshar, kiba lait na ki jinglut jingsep na ka bynta ka tulop bad kiwei kiwei ki jinglut jingsep.
Ha kajuh ka por, ki Tied Grant ki dei na ka bynta ka jingkyrshan ïa ki kam kiba kongsan ba kynthup (a) ki kam na ka bynta ka jingkhuid jingsuba bad ka jinglait na ka jingleit paiñkhana pathar, ka jingpeit ïa ka jingbret ñiut na ki thliew iing, ka jingpeit ïa ka jingpynkhuid ïa ki jaboh jabaiñ na ki paiñkhana (b) ka jingpynthikna ïa ka jingïoh ïa ka um dih ha ryngkat ka jingkynshew ïa ka um slap bad ban pyndonkam biang ïa ka um.
Ka Sorkar India ka dang pynkhlaiñ ïa ka bor synshar jong ki bor pynïaid shnong ha ki jaka nongkyndong da kaba pynkupbor ïa ki Panchayati Raj Institution (PRI) / ki Rural Local Body (RLB) lyngba ki Grant jong ka Fifteenth Finance Commission (XV FC).
Ka jingmang pisa ka long kaba donkam bha ban plié lad, ban wanrah ka jingbahkhlieh bad ka bor kyrshan dalade ha ki PRI / RLB, bad kane ka wanrah ïa ka roi ka par kaba ïaineh ha ki jaka nongkyndong.
Kane ka sienjam ka ïahap bad ka jingthmu ‘Sabka Saath, Sabka Vikas, Sabka Viswas, Sabka Prayas’ jong u Myntri Rangbah Duh, Narendra Modi bad ka kyntiew ïa ka roi ka par ïa baroh bad ka jingïashim bynta ha ka synshar paidbah.
Ka pynskhem ïa ki PRI/RLB kum ki rishot ba kongsan ha ki kam jong ka ri na ka bynta ka roi ka par bad ka don bynta ha ka jingthmu Viksit Bharat.
