Shillong, Nailur, 21: Haduh 266 ki mynder ri ki la shah kem hapoh ka jylla Meghalaya ha ki san snem baladep.
Ïa kine la ïohbat na ki 19 tylli ki Infiltration Check-posts kiba don ha kylleng ka jylla. Ka jingdon jong ki Pulit kiba ap pahara ha ki check-post ki long 116 ngut.
Ka Sorkar Jylla ka la shimkhia ban tehlakam ïa ka jingwanrung ki mynder ri da kaba buh ïa ki Anti-Infiltration Check Posts/Check Gates, Land Customs Stations, Special Squads bad ki District Task Force. Ïa kane la pyntip da u Symbud Myntri Rangbah uba peit ïa ka tnat Kam Pohing u Bah Prestone Tynsong haba jubab ïa ka jingkylli ba la wanrah hapoh ka Ingdorbar Thawaiñ ha ka sngi Palei.
