Nongstoiñ, Ïaïong 22: Ka kynhun ki nongtrei muster Roll hapoh ka shatri jong ka All Meghalaya Muster Roll Progressive Workers Union lyngba ka kyrwoh kaba la ai da u bah Hubert Kharbani Lamphang ka kynhun na Sengkmie, ka wer bad khot kyrpad ïa baroh kiba trei muster roll ba kin wan ha ka jingïalang paidbah, kaba yn pynlong ha ka 26 tarik u Ïaïong 2025 ha Bishop Hall Nongstoiñ West Khasi Hills District ha ka por 12 baje nohphai sngi kaba hap ruh ha ka sngi saitjaiñ mynta ka taïew.
Ha katei ka sngi kaba dei ruh ka jingïalang paidbah jong ka All Meghalaya Muster Roll Progressive Workers Union, ha kaba baroh ki nongtrei muster roll kin don ka jingïakynduh lang, ban ïa phylliew jingmut haba ïadei bad ki mat treikam jong ka kynhun. Kan don ruh ka jingpynthymmai ïa ki nongkitkam na ka bynta ka samoi treikam jong u snem 2025-2028.
Na ka liang u bah John Kennedy Lyngkhoi kum u pyndap phang ka synjuk na West Khasi Hills Unit, u la kyrpad jur khamtam ïa ki muster roll na man la ki tnad ophis treikam sorkar jong ka West Khasi Hills District, ba kin shimkhia ïa kane ka jingïalang da kaba wan ryntih ha katei ka sngi.
