Shillong, Naitung 02 : Ha ka jingshimsmai ban ïarap ïa ki nong Meghalaya kiba la shah ktah na ka daw jong ka jing jur slap bad jingshlei um, ka Dalmia Cement (Bharat) Limited (DCBL) ka la noh synniang haduh 25 lak tyngka sha ka Chief Minister’s Relief Fund ban ai jingkyrshan ïa ka sorkar ban ïarap ban sdang ban pyntei biang ïa ki jingjulor bad ban ïarap ïa kito kiba hap ban seng iing thymmai.
Ka kynhun jong ka DCBL Meghalaya ka la ïarap ruh ïa ki nongleit jingleit kiba la sahkut ha shiteng lynti ban leit sha Silchar bad la ïarap ïa ki da kaba ai ïa ka bam ka dih ka ba syiad bad ka umdih. Ha kawei pat ka liang, ka kynhun jong kane ka kompany kaba dei na sales bad logistics ki dang ïai bteng ban thied bad sam ïa ki jingdonkam kum ki mar ki mata sha kito ki longiing kiba la shah ktah na katei ka jingjia.
Haba kren shaphang ka jingjulor kaba la i shyrkhei ha Meghalaya bad ki jingeh kiba don mynta, u Padmanav Chakravarty, Executive Director – Manufacturing, DCBL u ong, “Ngi ai ka jingsngewlem na ka bynta ki briew jong ka Meghalaya kiba la shah ktah na ka daw ka jingshlei um ba dang shen bad kiba la shem jingeh namar ka jingjur ka jingjulor, ka jingduh, bad ki jingeh kiba ki hap ban mad. Ka long ka jingkyrmen jongngi ba lyngba ka jingïai bteng jongngi ïa ka jingnoh synniang sha ka imlangsahlang, ngilah ban ïarap ban ïarap bad tei thymmai biang ïa ka jingim bad ka jingtrei jingktah jong ki briew khamtam kiba kiba la mad shisha ïa ka jingduh ba khraw. ”
