NONGSTOIñ, Rymphang 15: Ka West Khasi Hills District Badminton Association (WKHDBA) ka la pynbna ba kan sdang ïa ka sienjam kaba phra (8th) jong ka lympung ïalehkai Badminton kaba la tip da ka Inter Office Badminton Tournament 2026 ha ka 24 tarik mynta u Rymphang.
Kane ka lympung kan long ar sngi lynter, kata naduh 24 bad 25 tarik Rymphang 2026, bad yn pynlong ïa ki jingïalehkai ha Indoor Stadium, Nongstoiñ.
ïa ki kyrdan ïakhun yn phiah ha ki lai tylli ki bynta, ba kynthup ïa ka Team Event (shynrang bad kynthei), Open Category (Singles; Doubles; Mixed Doubles na ka bynta Shynrang bad kynthei), bad ka Gazetted Officer Category ((Singles; Doubles na ka bynta Shynrang bad kynthei).
Ka por ba khatduh ban pynrung kyrteng kadei ha ka 20 tarik u Rymphang. Na ka bynta ki jingtip ba kham bñiah phi lah ban phun ha kine ki nombar – 70055 40714, bad – 98621 81643.
Kane ka long katkum ka kyrwoh na u General Secretary jong ka WKHDBA, bah Badon Marwein.
