Jowai, Nailar 22: Ka Behdeiñkhlam jong ka Seiñ Raij Mukhla kala poi sha ka sngi lai (Musiang) mynta ka sngi ha kaba ki khun ki hajar ka Seiñ Raij Mukhla kynthei bad Shynrang kika ïa mih paidbah ban leit shad naduh na Mukhla Nongrim, Mukhla Shohshrieh, Ladmukhla, Mukhla Umlangshor bad pynkut biang ha Mukhla Nongrim ha ryngkat bad ka jingïarah ïa u Dieñkhlam jong ka Shnong Mukhla Umlangshor bad ban pynïeng ïa u.
Hadien ba ki wan shad ha ka por 2 baje nohphai sngi ki paidbah hapoh ka jingïalam jong u Pa Langdoh ki la pynïeng ïa ki 3 tylli ki Dieñkhlam uwei ha madan Tihkhyndaw bad artylli ha madan Ryngkew ha Madan Slot Masi bad hadien ba la dep ban pynïeng ïa kine ki diengkhlam, la don ka Dorbar Niam ban ïa pyrkhat na ka bynta ki kam Niam kam rukom kiba ngi hap ban pyndep lashai ka sngi Muchai kaba dei ka sngi ban pynkut ïa ka jingleh Niam Behdeiñkhlam jong u snem 2022. Ïa kane ka Dorbar Niam la pynïaid ïa ka da u Pa Langdoh ka Seiñ Raij Mukhla u Rgh,Wanbha Lyngdoh.
