Jowai, Ïaïong 01: Ka ophis jong u District Sports Officer West Jaiñtia Hills Jowai kala pyntip ba shen kan sa pynlong ïaka “District Level Inter School Athletic Meet, 2025” kaba lai sngi lynter ha madan Kiang Nangbah Stadium, Jowai ka ban sdang naduh ka 23 tarik haduh 25 tarik u bnai Ïaïong, 2025.
Ha kane ka Athletic Meet yn pynlong ha Kiang Nangbah Stadium, Ladthadlaboh Dongmihsngi, Jowai, na ka bynta ki khynnah shynrang bad khynthei na ki skul bapher bapher hapoh ka West Jaiñtia Hills District.
Ha ka jingïadei bad kane kan don ka jingïalang jong ki nonghikai, ki nongmihkhmat na ki skul bad ki nongtrei long haka 7 tarik Ïaiong, 2024 ha ka por 1 baje nohphai sngi ha Kiang Nangbah Indoor Sports Hall. Ka tarik ba khadduh ban ban pynpoi ïa ka Entre form kan long haka 10 Ïaïong, 2025.
Katba ïa ka jingjurip ïa ki khynnah ïalehkai (Screening) yn pynlong ha ka 14 tarik Ïaïong, 2025 ha katei hi ka ophis naduh ka por 9 baje mynstep haduh ka por 4 baje nohphai sngi. katba ia ka form-11 ka tarik ban pdiang kan long haka 17.04.2025.
La pyntip ruh baroh ki khynnah ïalehkai kin hap ban wan rah lang ïa ki kot syrnot kiba donkam ban ïoh, ïa ki jingtip ba bniah lah ban phone ha une u No: 9402310523.
