Nongstoiñ, Ïaiong 20: Kum shi bynta jong ka jingrakhe ïa ka jingdap saw snem jong ki Ayushman Bharat Health & Wellness Centre ha jylla Meghalaya, ka ophis jong u Deputy Commissioner ka Eastern West Khasi Hills District ha ryngkat ka jingïatreilang bad ka ophis jong ka Block Medical & Health Officer, Mairang Block kan pynlong ïa ka Block Health Mela ha Madan Mot Tirot, Mairang Mission, Mairang ha ka 22 tarik u Ïaiong 2022 naduh ka por 10 baje mynstep.
Ha kane ka Health Mela kaba shi sngi yn don ki stall kiba pher ba pher kiba kynthup ïa ka jaka ha kaba ki Doctor specialist bapher bapher kin peit bad ai dawai na ka bynta ki longkmie ba armet, ki khunlung, kiba pang bniat, kiba pang khmut, shkor bad ryndang, kiba don jingduna ha ki dkhot met, ka jaka ai tika, ki jaka screening na ka bynta ka NCD, TB, shini, BP bad kumta ter ter.
Kan don ruh ka ka Adolescent Friendly Health Clinic, ka jaka pynrung kyrteng na ka bynta ka MHIS, PMMVY, ka jaka pynrung kyrteng na ka bynta bynta u Adhaar bad yn don ruh kiwei kiwei pat ki prokram kiba kynthup ïa ka Yoga session bad Zumba session ha katei ka sngi.
