215 tylli ki UC ba shongdor 1765.86 klur tyngka ym shym lah pynbiang ka sorkar Meghalaya, lap ka CAG
Shillong, Nailur 19 : Kumba 215 tylli ki Utilization Certificate (UC) ba shongdor haduh 1765.86 klur tyngka ym shym la lah ban pynbiang da ki tnad bapher bapher jongka sorkar jylla.
“ La lap ba ha kaba kut jong u Lber 2021, ki don 215 tylli ki UC ba shongdor 1765.86 klur tyngka ki sahteng bad khlem lah ban ai sha ka Accountant General ( Account and Entitlement), Meghalaya, ong ka kaiphod CAG.
Ki tnad treikam jongka sorkar kiba ym lah ban pynbiang ïa kine ki UC kiba ïoh ïa ka Grants -in- Aid ki long ka Secretariat Economic Services 609.981 klur tyngka, Rural Employment 502.21 klur tyngka, Rural Development 423.11 klur tyngka bad Welfare jong ki SC,ST bad kiwei kiweik i Backward Classes 115.30 klur tyngka.
Kane ka jingbym lah ban pynbiang ïa ki UC ka pynpaw ba ki bor ba dei peit kim lah ban pynshai kumno la pynlut ïaka pisa ha kine ki snem ba la leit noh. Nalor kata kam don kano kano ka jingkdew ne pyni dak ba na ka pisa ba la pynlut la dep ban pyntreikam ïa kino kino ki kam ruh. Kane ka jingbym lah ban pynbiang ïaki UC ka kdew ei ei khamtam kaba dei na ka Grant -in- Aid.
Kumta ka CAG lada kam ïoh ïa ki UC kam lah ban pynshai la ïa kane ka Grant ba la ïoh pdiang la pyntreikam hok ne em. Nalor kata ka lah ruh ban long ba ïa kane ka pisa ba la ïoh pdiang ym shym la pyntreikam hynrei la shu buh ha ki bank account jong kino kino ki tnad sorkar.
Kum ka jingai nuksa ka CAG ka la lap ba ka PWD ka don ka pisa 479.12 klur ha ka bank account ha u snem 2020-21 bad na kane 515.79 ka dei ka pisa ba la ïoh ïa ka grant -in- aid na ka bynta ka CSS ( Pradhan Mantri Grak Sadak Yojna)
“Kumta haba ym lah ban ai ne pynbiang ïaki UC da ki tnad ym lah ban batai ïa ka jingpyntreikam ïa ka pisa ba la ïoh pdiang. Nalor kata namar bym don UC ym tip ïoh ka don ka jingpyndonkam bakla ïa ka pisa ne ka fund ruh. Kumta ka sorkar ka dei ban peit bniah halor kane bad ban pynshitom ïa kiba donkti bad kiba ym lah ban ai ïa ki UC bad ka dei ruh ban bishar bniah kumno ban pyllait ne siew ïa kane ka grant ba la ïoh pdiang da ki tnad bapher bapher” ong ka CAG.