SHILLONG, Naitung 09: Ka West Khasi Hills District Badminton Association [WKHDBA] ka la pynbna ba kan sdang ïa ka lympung ïalehkai Badminton kaba lai sngi lynter, ïa kaba la tip da ka ‘16th District Open Cum Inter School Badminton Tournament 2025’ ha ka 21 tarik Naitung ka ban kut ha ka 23 tarik Naitung, 2025, ha Indoor Stadium ha Nongstoiñ.
Na ka bynta ki skul kiba wan ïashim bynta kum ka kynhun ha kane ka lympung ka synjuk ka la pynbna ba kim donkam ban siew ïa ka bairung, katba ïa ki nongïalehkai shimet lane marwei (Individual Event) ki donkam ban siew 150, katba kiba kwah ban ïalehkai shijur kin hap ban siew 300.
Ki kyrdan ïalehkai ki don bun jait, naduh ka Under-13, 15, 17, 19 kiba lah ban lehkai tang marwei lane shijur (Single & Double).
Kan don ruh na bynta kiba la rangbah (Senior) ha kaba ki hap ban siew ka bai rung kaba T.500 marwei bad T.1000 lada ki lehkai shijur (Double & Mixed Double).
Ka tarik ba khatduh ban siew ïa ka bai rung kan long ha ka 11 tarik Naitung, 2025. Na bynta ki jingtip ba kham bñiah phi lah ban phone ha kine ki number…7005513628, 7005922929.
