Nongpoh, Nailar 26: Kum ka jingbteng ban sam ïaki skhim pynroi lyngba ka SRWP, u MLA ka Nongpoh u Bah Mayral Born Syiem u la leit ban ai jingïarap bad aiti ïaka work order ba 2.5 lakh sha ka skul Umlakhar Presbyterian Secondary School naka bynta ba kin ioh ban pynbha ïaka skul bad 3 lakh sha ka Seng Kynthei Mawphru ba kin ioh ban shna ïaka iing seng kynthei ryngkat bad ki tiar shet.
Ha katei ka jingaiti ïaki work order la sakhi ruh da ka jingdonlang ki bor pynïaid skul, ki nongïalam jong ka seng kynthei bad kiwei kiwei ki riew rangbah jong ka shnong.
Naka liang u Bah Mayralborn haba kren ha katei ka sngi u la pynpaw ïaka jing sngew kmen haba u la ioh ban ïa don bynta bad ki nongshnong Shnong jong ka Mawphru bad kumjuh ki bor pynïaid skul jong ka Umlakhar Presbyterian Secondary School, ban ioh sam ïaka work order na ka bynta ban pynbit pynbiang ïaka jingdonkam jong ka skul bad ki longkmie bad khamtam ban pynpoi ïaki kam pynroi hapoh ka constituency.
Naka liang u MLA u la kyrpad ruh ïaki bor pynïaid skul bad kumjuh ruh ki longkmie ka shnong Mawphru ba ki dei ban pyntrei hok ïaka kam naka bynta ka jing myntoi u paidbah haba ki poi ki kam pynroi haka shnong ka thaw bad khamtam ban ai ka jingïatrei naduh ki nongmihkhmat bad ophisar naka bynta kiwei kiwei ki kam pynroi.
