Jowai, Risaw 24: Ka Sabahmuswang kala khur ïa ka jingjop ha kawei na ki jingïalehkai jong ka lympung ‘13th Chatister Kharkongor Memorial Trophy First Division Football Tournament-2025’ ba la pynïaid ka West Jaiñtia District Sports Association (WJDSA), kaba la long ha ka sngi Thohdieng, 24 tarik Risaw, ha madan Kiang Nangbah Stadium Dongmihsngi, Jowai.
Ha kane ka jingïalehkai ka Sabahmuswang ka la jop da kaba pynliem 3-1 kol ïaka Mynthong.
Ka Sabahmuswang ka la ïoh ban lamkhmat shuwa shi kol lyngba u Lakhoh Dkhar (7’) hynrei ka Mynthong ka la pynïakhaid shipor ïa ka jingïakhun lyngba u Badskhem Dkhar (49’).
Dei ha ki 70 minit tam ba ka Sabahmuswang ka la pynthikna ïa ka jingjop da kaba thep ar tylli ki kol kiba la wan lyngba u Iohiksan Lyngdoh (71’) bad u Helpme Bang (79’).
