Shillong, Ïaïong 28: Ka Nongrim Hills SC kala khur jingjop ha ka lympung ïalehkai First Division ha ka jingïakhun ha ka sngi Palei ha madan MFA, Polo, Shillong.
Ka Nongrim Hills SC kala khur ruh ïa ki lai point hadien ba kala pynliem noh da 2-1 kol pyrshah ïa ka Sawmer SC.
Ka Nongrim Hills SC mar syn sdang ka jingïalehkai jong ka kylla step kala ïoh ban plie pyrda ïa ka shi kol bala thep da u Bankit Nongrum ha ka jingïalehkai ba dang ïaid 3 minit bad haduh ba kut ka kylla step kala lamkhmat da 1-0.
Ha ka kylla miet u Jeremy Nongtdu (62min) u la thep ïa ka kol kaba ar na bynta ka Nongrim Hills katba ka Sawmer kala ïoh ban pynphai tang shi kol bala thep da u Banraplang Nongsteng ha ka minit ba 73. Kumta haduh kaba kut jong ka jingïalehkai ka Nongrim Hills kala jop da 2-1 kol
