Shillong, Ïaïong 03: Ka Lawsohtun SC kala ïoh ban khur ïa ki lai point hadien ba kala pynliem noh da 1-0 pyrshah ïa ka Smit SC ha ka jingïalehkai First Division Football League ba pynïaid da ka Shillong Sports Association (SSA).
Ha ka jingïalehkai ha ka sngi Saitjaiñ ha madan MFA, Polo, Shillong, ka jingïakhun hapdeng kine ki ar tylli ki team ka long ba mar ïabiang bor bad haduh ba kut ka kylla step ym don ba lah ban thep kol.
Dei ha ka kylla miet ba ka Lawsohtun SC kala thep ïa ka shi kol lyngba u Rohit Rasaily ha ka minit ba 51 bad khur syndon ïa ki lai point.
