Jowai, Nailur 29: Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kala sdang mynta ka sngi Balang ha Kiang Nangbah Stadium, Jowai ba la pynïaid da ka West Jaiñtia District Sports Association (WJDSA) shi bynta na ka jingrakhe ïa ka jubilee ksiar jong ka jingdap 50 snem.
Haba phai sha ka jingïakhun ka Mukhla Raij SC kala lah ban pynliem da 4-2 kol ïaka Chilliangraij SC, ïa kitei ki saw kol na ka Mukhla Raij la thep da u Chirupki Suting ha ka minit ba 16, u Joydeep Bamon ar kol ha ka mini ba 51 & 73 bad u Chandame Suna ha ka minit ba 89. Katba ïa ki ar kol na ka Chilliangraij la thep da u Willingly Kurbah ha ka minit ba 32 bad u Hamewan Rngad ha ka minit ba 84.
Ka jingïakhun ha ka 03.10.2022 sngi (Monday) kan long hapdeng ka Wahiajer SC pyrshah ïa ka Mukhla Everygreen SC haka por 2 baje shiteng nohphai sngi.
