Jowai, Risaw 03: Ka lympung ïalehkai phutbol bala tip kum ka “Chatister Kharkongor Memorial Trophy 1st Division Football Tournament–2023 bala pynïaid da ka West Jaiñtia District Sports Association, (WJDSA) Jowai kaba la long hynne ka Sngi Hat Majai ha madan Kiang Nangbah Stadium, Dongmihsngi Jowai .
Haba phai sha ka jingïakhun ka Mukhla Evergreen ka la khur ïa ka namjop hadien ba kala pynliem da 2-0 kol ïa ka Demthring.
Ka namtam ka long sha u Ioh-i Dhar u ba la khyrwit ïa baroh ar kol na bynta ka Mukhla Evergreen, ka kol kaba nyngkong u la thep ha ka minit ba 42 bud sa ka kol ha ka 70 minit.
Katba ka jingïakhun mynta ka sngi Balang (4.10.2023) kan long hapdeng ka Moosyiem Shangpung pyrshah ïaka Nangbah Iawmusiang ka ban sdang ha ka por 2 baje nohphaisngi.
