Jowai, Risaw 27: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun, ka kynhun lehkai jong ka Dulong kala pynliem da 1-0 kol ïa ka Sohmynting, bad ïa kane ka shi kol la thep da u Kevin Rymbai haka minit ba 10.
Ka jingïakhun mynta ka sngi Saitjaiñ kan long hapdeng ka Luti Tuber SC pyrshah ïa ka Khliehïongriang haka por 12 baje shiteng sngi.
