Jowai, Nailur 23: Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 23 tarik Nailur ha madan Artificial Diengshynrum, Khliehriat.
Haba phai sha ka jingïakhun kaba nyngkong ka Khliehriat West YWSC kala jop da 2-1 kol ïaka Rymbai Iawpynsing SC, ïa ki kol naka Khliehriat West YWSC la thep da u Huirem Romes haka minit ba 12 & 90+9. Ïa ka shikol na ka Rymbai Iawpynsing SC la thep da u Hesmeki Rymbai haka minit ba 23.
Katba ha ka jingïakhun kaba ar ka Wahiajer Narpuh SSC kala jop da 3-0 kol ïaka Iatyllilang SC Hingaria, ïa kitei ki lai kol na ka Wahiajer Narpuh SSC la thep da u Manosh Lapang haka minit ba 20 & 78 bad u Paila Mukhim haka minit ba 80.
Lyngba kane ka jingjop jong ka kynhun Khliehriat West YWSC bad ka Wahiajer Narpuh SSC mynta ka sngi kila ïoh ban rung sha ka Quarter Final jong kane ka lympung. Na ka liang ka kynhun jong ka Iatyllilang SC Hingaria kala hiar noh sha ka kyrdan 2nd Division.
