Khliehriat, Naiwieng 05: Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 5 tarik u Naiwieng ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Diengshynrum SC kala pynliem 4-0 kol ïa ka R.Synrang Shahkhain SC, ïa kitei ki kol Diengshynrum SC la thep da u Kitbor Rymbai ha ka minit ba 34, u Lekijuh Dkhar ha ka minit ba 51, u Rumi Lyngdoh ha ka minit ba 56 bad u Bewithus Sympli ha ka minit ba 77.
Ha ka jingïakhun kaba ar ka Rangad SCSC kala pynliem da 3-2 kol ïa ka Khliehriat West FC ïa ki kol na ka Rangad SCSC la thep da u Daniel Lamo haka minit ba 19 & 45+1 bad u Jerry Lyngdoh ha ka minit ba 83. Ïa ki kol na ka Khliehriat West FC la thep da u Fourningstar Dkhar haka minit ba 48 bad u Silgrak Pala haka minit ba 87.
La pyntip ka kynhun ïalehkai jong ka Diengshynrum SC kala ïoh ban rung sha ka ‘Quarter Final’ jong ka 1st Division EJHDFA.
Ka jingïakhun ha ka 7 tarik u Naiwieng kan long hapdeng ka R.Wahshnong SC pyrshah ïa ka Mukhaïalong SC ha ka por 11 baje mynstep, katba ka Pamrakmai SCSC pyrshah ïa ka Bataw YWSC ha ka por 1 baje shiteng nohphai sngi.
