Shillong, Jylliew 12 : Ka lympung ïalehkai kynjat bol jong ki kynthei ka Women Football League Tournament 2023 kan sdang ha ka 19 tarik Jylliew 2023 ha madan MFA Third Ground, Polo, Shillong. Ha katei ka lympung ki don baroh 12 tylli ki team kiban sa ïahim bynta ban ïaknieh ïa ka nam lahduh.
La phiah ha ar tylli ki group ba kynthup ka Group A bad Group B. Ha ka Group A ki kynhun kiba don ha ka ki kynthup ka Laitkor SC, Umpling SC, PFR Football Academy, Mawkriah West SC, Kick Start Academy bad ka Lawei SC.
Ha ka Group B ki kynhun ki kynthup ka Mawlai SC, Ïasnohktilang SC, Lumparing SC, Kharang SC, Synroplang SC bad ka Maw U-Tieng SC. Ha katei ka sngi, yn pynialehkai ïa saw tylli ki team ha kaba ka Laitkor SC kan aireng pyrshah ïa ka Umpling SC ha ka por 2:30 bad ka PFR Football Academy pyrshah ïa ka Mawkriah West SC ha ka por 4:15 baje janmiet.
