Shillong, Jymmang 07: U Principal secretary ka tnad ri jing ri jong ka sorkar Meghalaya u GHP Raju u la ong ba ka jylla Meghalaya ha ka shisnem ka bam doh sniang kumba 18000 Matric Ton haba ïa dei bad kane ka bynta ka ïew ban die kala don lypa kumta la khot ïa ki kompeni ba kin wan ban bei pisa sha kane ka jylla ha kane ka kam ri sniang.
Haba kren ha ka jingïalang mynta ka sngi ha Polo la ong ba lada ki wan ban bei pisa sha kane ka jylla ka long ba kin shna ia ki jaka ri sniang kin pynïaid ïew da kaba song ïa ki ha ka rukom kaba khuid ba suba namar ym don kam shuh ban wanrah sniang na sha bar hynrei kila don lypa ki sniang na kane ka jylla.
Kine ki sniang kiba na kane ka jylla Meghalaya ki kham rit, ki duna ka kshong hynrei ki long kiba bang bha, kine ki sniang ki kham suki ba kin heh kin san hynrei ki long kiba bang shisha ban bam bad ka jingdawa ïa kine ki sniang ha iïw ka long kaba jur bha.
Na ka liang jong u Principal Secretary jong ka jylla u khot u wer ïa ki kompeni kiba kwah ban wan bei pisa ha kaba ïa dei bad ka kam ban song ïa ki doh lada ki wan sha ka jylla Meghalya kyrpang na ka bynta ka doh sniang ka ïew ka la don lypa kim dei ban khuslai ïa ka iew.
U Raju u ong ba ka jingdonkam ki paidbah ïa ka doh ha kane ka jylla kam dei tang doh sniang hynrei ka doh masi, ka doh kha ruh kumjuh, ka jingdawa ïa ka doh ha kane ka jylla ka long kaba jur bha, u khot u wer iï ki kompeni ban wanrah ïa ki kor ki bor ha kane ka jylla ban pynmih ïa ki doh ba la song lypa na kane ka jylla.
