Shillong, Ïaïong 26: Ki rang bad thei ïalehkai Karate kila wanrah ïa ka nam bad burom ïala ka jong ka jylla lyngba ki 18 tylli ki takma ha ka lympung ïalehkai kaba la tip kum ka ka 3rd Leongthang Shotokan Karate Championship 2022 kaba la long ha Deshbhakta Tarum Ram Phookan Indoor Stadium, Guwahati kaba la sdang naduh ka 23 haduh 24 tarik Ïaïong 2022.
Ïa kane ka kynhun ïalehkai Karatekas kaba 29 ngut la ïalam da u Sensei MIngson Rymbai bad u Sensei Arjun Sewa kum u coach bad Manage.
Ïa katei ka lympung la pynïaid da ka Leongthang Shotokan Karate Association kaba dei kawei na ki unit jong ka Assam Karate Association kaba la pynïasoh sha ka Assam Olympic Association.
Kine ki nongïalehkai kila khur hynriew tylli ki takma Ksiar, san tylli ki takma Rupa bad hynñiew tylli ki takma Rnong.
Kiba la khur ïa ka takma Ksiar ki kynthup ïa u Teiborlang Lapang ha ka kyrdan ïakhun Junior Boys ind kumite 57Kg, u Ram Lanong ha ka cadet boys ind kumite -52Kg, ka Dayalangki Challam ha ka kyrdan Sub junior (13 yrs) girls ind kumite-40Kg, Carenia Rapthap ha ka junior girls ind kumite -59Kg nangta ka Laiarisa Nongrum ha ka kyrdan junior girls ind kumite -53Kg, bad ka Saralin Rynghang ha ka kyrdan women ind kumite -55Kg.
Kiba khur takma Rupa ki kynthup ïa u Damanbha Pde ha ka kyrdan boys junior ind kumite -55Kg, Francis Mar-baniang men ind kumite -55Kg, Ferdinand S. Rani cadet boys ind kumite -52Kg, Jake D. Syiemiong cadet boys ind kumite-63Kg bad ka Saphibanri Kharlyngdoh junior girls ind kumite -53Kg.
Katba kiba khur takma Rnong ki kynthup ïa Lakhon Lanong cadet boys ind kumite -57Kg, Iwan Naki L. Khongjee Sub junior (12 yrs) girls ind kumite -40Kg, ka Daphilahun M. Wahlang cadet girls ind kumite -54Kg, Saphira Lyngkhoi Junior girls ind kumite -48Kg bad Dutyful Lyngdoh Women ind kumite -50Kg, Teiborlang Lapang bad ka Laiarisa Nongrum.
