Mawkyrwat, Ïaïong 13: Ka Seng Khasi South West Khasi Hills ha ryngkat ka jingïatreilang bad ka Seng Khasi Jakrem, kan pynlong ïa ka Shad Suk Mynsiem ha ka 17 bad 18 tarik Ïaïong, 2022 ha Madan Shad Seng Khasi Jakrem, South West Khasi Hills District.
Kane ka Shad Suk Mynsiem jong ka Seng Khasi South West Khasi Hills ka dei ruh ka sien kaba 8 (phra) hapoh ka distrik naduh ba la ïoh ïa la ka jong ka District South West Khasi Hills. Kane ka Shad-ka-kmen ka long ka jingkynmaw bad jingainguh U Khun-Khasi Khara shisien shisnem U Trai Kynrad U Nongthaw Nongbuh na jrong na tbian ban neh la ka Hok la ka Riti.
La kyrpad bad khmih lynti la baroh ki Para-Khun ka Ri kiba dang bat dang ksoh ïa la ka jong ka Niam Tynrai ka Niam Khasi, ban ïapoi lang ha kane sngi 18 tarik Ïaïong, 2022 kaba dei ruh ka sngi ban pynkut ïa ka Shad Suk Mynsiem jong u snem 2022, bad ban ïa mih nongshad Shynrang bad Kynthei ha la ka riam ka beit pura ban pynphuh, pynphieng ïa ka Shad Suk Mynsiem jong ka South West Khasi Hills ban sah pyrto don burom la ka Ri.
