Jowai, Jymmang 15: Ka Shnongpdeng Tourism Develop ment Society (STDS) kaba dei ka tnad jngohkai jong ka Dorbar Shnong Shnongpdeng West Jaiñtia Hills District, kala pyntip paidbah ba yn khang shi sngi ïa baroh ki ‘Water Sport activities’ ha Shnongpdeng Tourist Spot kata ha ka 17 tarik u Jymmang, 2022.
Ka daw bala khot khang shi sngi ïa katei ka jaka Water Sport activities’ namar ba kan don ka jingïatrei paidbah hapoh ka shnong ha katei ka tarik ka ban sdang naduh ka por mynstep tad haduh jong ka por janmiet.
Shuh shuh la pyntip ba ïa ka Tourist/Guest kiba wan sha miet yn pdiang ïa ki naduh ka por 4 baje janmiet shaneng ha katei ka juh hi ka sngi.
Kumta ka STDS ka kyrpad ïa baroh ki nongwan shangkai kymjuh kiba najan bad najnga ba kin long kiba ïaishah bad ïasnohkti lang halor katei ka jingpynbeit khnang ba ka jingtrei paidbah kan long kaba jop.
