Tura, Nailur 2 : Uwei u nongñiah thuk thuk na Kharkutta, North Garo Hills u la khlad hashen hadien ba ka trok kit kyiad ka la kylla bad ban ïa ka thuk thuk jongu ha Asananggre kaba jngai 25 Km ei ei na Tura mynta ka sngi.
Une uba la duh ei ia ka jingim u dei uba kyrteng u Lohit D Marak bad u la khlad hashen haba kane ka trok ka la kylla bad ban ïa ka thuk thuk jongu. La ong ba ka surok naduh Rongram haduh Asanang ka long kaba ma bha ban leit ban wan namar ka rukom shna ïa ka ka long torti bad ha ki jaka ba khun ka surok bunsien ki kali ki kylla beit namar ym biang ka rukom pynwan ïa ka surok bad kane ka jingjia ruh ka la jia mynta ka sngi ha ka jaka ba khun bha ka surok. Ha kane ka jingjia uwei pat u ba shong da ka scooty u Lenitson Marak ula donbok ba u lait im namar u shu mynsaw bad la pynkit ïa u sha Asanang CHC.