1500 klur shimram ka sorkar ban sam pisa lyngba ka FOCUS: BJP

Shillong, Nohprah 09: U state President ka BJP u Bah Ernest Mawrie ha ka sngi Thohdieng u la kynnoh ba ka sorkar NPP ka la shimram haduh kumba 1,500 klur tyngka na bynta ban sam pisa sha ki paidbah lyngba ka skhim FOCUS.
U la maham ruh ïa ki paidbah ba ki dei ban sngewthuyh shai ba ka pisa kaba ki ïohpdiang lyngba kane ka skhim kam dei ka grant hynrei ka ram kaba kin hap siew ha ki por ban wan ryngkat ka sut jong kata ka pisa.
Ha ba kren sha ki lad pathai khubor u la ong ba lada peoit na kaei kaba u Symbud Myntri Rangbah u kren sha ki lad pathai khubor halor kane ka skhim um shylm la lah satia ban pynshai ïa kane ka khim la ka dei kaba ïoh ïa ka mang tyngakja na ei. U la ong ba kat kum ka jingtip kaba u ïoh kae ka pisa kaba 1,500 klur ka dei kaba shimram na sha bar ri ban ïoh theh sha ki paidbah.
“Lada ka dei shisha ka ram kaba ki shim ban ïoh sam sha ki paidbah khlem lait ki paidbah kin hap siew kumba la jia ha ka por ba synshar ka Congress kaba kin hap siew ruh ryngkat ka sut, namarkata, nga kyntu ïa ki paidbah ba kin husiar ban shim ïa kane ka pisa ba 5,000 namar ka dei ka ram kaba kin hap siew biang ma ki,” u la ong.
Shuh shuh na ka liang u Bah Ernest u la pynrem ïa ka NPP namar ka pynlong ïa kane ka FOCUS kum ka skhim na ka party ym jong ka sorkar.
“Ki pyrshang ban pynbieit ïa u paidbah na kawei ka constituency sha kawei pat da kaba leit pan u account number ryngkat ka kular ban ai pisa balei kim leh ïa kane ha kine ki ar lai snem ba la leit balei ki leh kynsan kynsan mynta ba dei sa tang khyndiat bnai ban leit sha ka elekshon,” u la ong.
Shuh shuh u la ong ba ka sorkar ka dei ban kren shai sha u paidbah ba naei ka ïoh ïa ka mang pisa ban pyntrei ïa kane ka skhim FOCUS ha ka jylla.
U la ong ruh ba dang shen u Myntri ka kam rep kam riang u Bah Banteidor Lyngdoh u la kam ba kae kqa skhim ka dei kaba la mang kyrpoang a bynta ki Producer Groups (PG) kiba dei ïa ki nongrep bad ba kane ka skhim dei ban pyntrei ha ki jaka nongkyndong , “kaba lyngngoh ka long ba ba ba ki nongtrei ka NPP ki leitm sha ki paidbah ban pan ïa u number account ryngkat ka jingkular ban pynpoi pisa lyngba ka skhim FOCUS wat ha Shillong kaba la dei ka sor ruh bad kane ka pyni shai kdar ba ka NPP ka pyrshang ban pyllong ïa kane ka FOCUS kum ka skhim ka party hynrei na ka liang jong ngi ngin ym ai li ïa kane ka jingpyndonkam bakla ka NPP ïa ka skhim jong ka sorkar na bynta ki jingmyntoi ka party,” u la ong.
U la ong ruh ba na ka liang u Bah Sanbor u MLA na ka BJP u la pynpaw ïa ka jingpyrshah ïa kane ka jingpyndonkam bakla ka NPP ïa ka skhim ka sorkar ha ka jingïalang ba dang shen jong ka MDA bad u la kam ruh ba kiwei kiwei ki kynhun kiba don lang ha ka MDA ki pynpaw ïa ka jingkyrshan ïa kane ka sienjam ka BJP.